أولياء أمور جاؤوا لحضور الحفل الختامي لألعاب الصيف

أيمن شاهين 

 " في تغيير واضح في ابني.. مش عم يغلبنا ... الولد عندو رغبة قوية في الذهاب كل يوم على المخيم... في حاجات بيروح من المخيم بيسألني عنها... بيقولي يا بابا صار معي هيك حكينا هيك... صحيح بينسى شوية شغلات ( يقصد من المسرحية ) بس انا بفهم منو وقادر اشوف انو مبسوط... وفي اليوم التاني لما بييجي موعد المخيم بيكون الولد بيستنى الوقت، دائما حابب يروح وهدا بيخليني انا حابب اسجلوا كمان مرة، بدي أسأل عن الدورة التانية واسجلوا كمان مرة.. خلي ينبسط مع هالاولاد ويقضي وقته بشي مفيد ".

خالد أبو رمضان 

 " ابني نفسيتوا تغيرت ... صار من الصبح يصحى وبدوا يروح على العاب الصيف... حسيت في عندو حيوية ونشاط ... بيجي يحكيلنا ايش بيلعبوا.. حسيت نفسيتوا اتريحت الولد... تفرغت الطاقة... هو زعلان مشان اليوم اخر يوم... لازم يكون في هالبلد فعاليات أكثر، يعني الاطفال نفسيتها تعبانة من اللي شافوه ومن الأوضاع اللي احنا فيها، الاولاد بفهموا وبلاحظوا بيشوفوا وضع اهاليهم ... مشان هيك نفسيتهم تعبانة يعني هيك فعاليات ونشاطات بتغير نفسيتهم وبتنمي مواهبهم ... زي ما انتا شايف... شايفينوا بيلعب وبيضحك وبيروح مبسوط واحنا مبسوطين في" .

إم شادي  

 " احنا القائمين على هذا المخيم، لانه فعلا الاطفال بحاجة لاشياء تغير اوضاعهم... وترفع الكبت اللي هم فيه، و الحمدلله.....  بيجي بيعمل الحركات اللي بياخدها في المخيم، بيجي بيعيدها...الجمباز..بيحكيلي يا ماما تعلمت حركات الجمباز في المخيم وبيسويها...يعني بينبسطوا الولاد والله لو ما بينبسط وما بيستفيد ما بسجله فيه".
 

أم خالد 

 " أولادنا محرومين من كل شيء في الدنيا..والمخيم هذا بالنسبة الهم اشي حلو كتير ... حابب يكون فيه  لحالوا ... من غير ما اقلوا يروح لحالوا بيروح.. بيجي بيحكيلي انا شاركت في التدريب وبدي افوت اشارك بالعرض كمان...مبسوط كتير كثير بالمخيم.. يعني اليوم خلص المخيم، وهو مصر بدوا يشترك كمان مرة، وكمان من ناحية التغيير النفسي للولد في تغيير وهو مبسوط و فرحان وصار عندو صاحب أكثر".

إم صابر أبو كرش من سكان معسكر  الشاطئ  

أنا بشكر كل واحد ساهم بالمخيم وانا بناتي شاركوا وكانوا بالاول يخافوا وخجولين والحمد لله، من يوم ما راحوا على المخيمات الحمد لله اتغيروا... تحسنوا كتير كتير خف الخوف وشخصيتهم تحسنت...  وانا بحب أشكر الاونروا...".